Karà Estudio

KARÀ Estudio proiektua sortu dugu barne-diseinatzaile, argiztapen-profesional eta altzarien diseinatzaile jardunean metatu dugun esperientzia guztia bateratzeko.

Denboraren joan-etorriaren poderioz eta gure inguruneko errealitateaz ohartuta, gure balio etikoak eta diseinu-balioak birpentsatu ditugu.

Hain zuzen, balio horiek gidari, eraikuntza ekologikoaren arloko jakintzan sakondu dugu, proiektuei ikuspuntu kontzienteago eta jasangarriago batetik heldu ahal izateko.

Gure lan egiteko moduaren abiapuntua gure asmorik egiazkoenak dira, hala nola ekologia, naturarekiko errespetua, artisautzari eta eskulanei balio handiagoa ematea eta espazio eta objektuak biziberritzeko nahia. Hori dela eta, garrantzi handia ematen diogu material eta objektuak birziklatzeari, 0km-ko materialak erabiltzeari eta inguruko profesional eta baliabideekin harremanetan egoteari.

Gure izaeraren eta estetika zaintzeko dugun nahiaren ondorioz, oso zorrotzak gara azken emaitzarekin. Hori kontuan izanda, baliatzen ditugun teknikek eta materialek inoiz ez dute oztopatu behar azken emaitza. Diseinuari oso era kontzientean heltzen diogu, lau zutabetan oinarrituta: Birpentsatu, Murriztu, Berrerabili, Birziklatu. Betiere helburu argi batekin: mundu guztiari bizi-kalitate hobea ematea, diseinu estetikorik berriena alde batera utzi gabe.

Formula honekin eraikiko ditugu barne-diseinuko proiektuak, erreforma integralak eta espazio iragankorrak, pribatuak zein publikoak, eta gaitasun tekniko eta estetiko handiak dituztenak.

Ingurumenarekiko errespetua eta diseinuarekiko eta estetikarekiko dugun pasioa dira KARÀ Estudio proiektuaren oinarriak.