Julen Leturiondo 20 urteko gazte eibartarraren proiektu pertsonala. Abesbatzetan parte hartzeaz gain, musika-taldetan ere parte hartu du eta hainbat musika-tresnari buruzko ikasketak egiteko aukera izan du. Baina oraingoan, Julenek bere proposamen artistikoa bere kasa aurkezten digu, bere musika ezagutzera emateaz gain, beste hainbat diziplina artistikoren (diseinu, argazkigintza, bideogintza eta abarren) arteko lotunea izateko helburuarekin.

Proiektu honetan, Julenek euskara eta espainiera nahasten ditu, sonoritate berriak sortuz horrela, eta sortu berria den musika-talde baten laguntza du, hor daudelarik Asier Cascan (gitarra), Eñaut Armentia (baxu elektrikoa) eta Josu Cascan (perkusioa).

Argazkiak: Santiago Farizano