Duela 3 urte hasi zen abestiak euskaraz eta ingelesez idazten (indie-folk estilokoak, non ahotsa baita, gitarra-melodia sinpleen gainean, protagonista nagusia), baita mikro irekietan parte hartzen ere Salamancan. Gero Suediako agertokietan jarraitu zuen ibilbidea, han bizi izan zelarik 10 hilabetez beka bati esker. Bertan hainbat musikari ezagutu zituen, eta haiek musika-grabazio eta ekoizpenari buruzko guztian sakontzeko eta ikasteko aukera eman zioten.

2014ko maiatzean demo txiki bat grabatu zuen Göteborg-eko grabazio-estudio batean. Alexander Engelin-en (berau arduratu zen nahaste eta grabazioaz) eta Asierren artean, oso baliabide eta ezagupen gutxirekin, lau abesti grabatu zituzten Eraul-en jaiotza ekarri zutenak.