k
u
l
t
u
r

Deialdia oinarriak/eskaera



Kutxa Fundazioak 2010ean abian jarri zuen Kutxa Kultur Moda programaren helburua da Gipuzkoan jaio edo bizi diren eta sendotze bidean dauden diseinatzaile berri, amateur eta profesionalen hazkundea eta garapen profesionala bultzatzea.

1. Nola bihurtu programaren parte. Izen-ematea

Deialdia urte osoan dago zabalik, eta, beraz, edonoiz aurkez daitezke eskaerak.
Eskaera horiek modaren, enpresaren eta jasangarritasunaren arloetan adituak diren kanpoko eragileek baloratuko dituzte, 4. puntuan ezarritako hautaketa-irizpideei jarraituz.

2. Aurkeztu beharreko dokumentazioa

Eskabide-inprimakia, behar bezala beteta, eta honako agiri hauek erantsita:

⇒ NANaren fotokopia
⇒ “Portfolioa” edo proiektuaren deskribapen zehatza, gehienez ere 500 hitzekoa. Honako hauek sartu behar dira bertan:

• Deskribapena edo bilduma-lerroak
• Inspirazio-arrazoia
• Irudiak eta zehaztapen teknikoak
• Proiektuaren xede edo hartzaile izan daitekeen jendea
• Erabili beharreko materialen deskribapena
• Jasangarritasunarekiko konpromisoa
• Garatutako edo garatu beharreko negozio-eredua eta -plana

DESKARGATU HEMEN FORMULARIOA.

Formularioa eta eskaneaturiko zirriborroak hona bidali behar dira: kutxakulturmoda@kutxa.eus

3. Hautatze-prozesua

On line izen-ematea egin ondoren, Kutxa Kultur Moda harremanetan jarriko da aldez aurretik hautatutako diseinatzaileekin elkarrizketa pertsonala egiteko. Elkarrizketa horretara gutxienez bi jantzi fisiko eta proiektua ulertzen lagun dezaketen beste elementu batzuk ekarri beharko dituzte.

Azkenean proiektua hautatzen bada, diseinatzaileari data zehatz bat proposatuko zaio has dadin, gehienez ere 3 hilabeteko epean, programaren martxa ez kaltetzeko.

4. Balorazio-irizpideak

Azken hautapenerako honako hauek baloratuko dira:

⇒ Sormena
⇒ Iraunkortasun-irizpideak
⇒ Jantzien akabera
⇒ Aurkezpena
⇒ Negozio-eredua ezartzeko ahalmena (hala badagokio)
⇒ Prestakuntzan parte hartzeko, bilerak egiteko eta enpresa eta kultura-guneetara bisitak egiteko prestasuna eta konpromisoa.

Aurkeztutako diseinatzaile bakoitzari elkarrizketa egingo zaio, eta Kutxa Kultur Modaren arduradunen aurrean beren proiektua defendatu beharko dute.

Behin betiko hautaketa lurraldeko moda eta iraunkortasuneko adituen batzorde batek adostuko du.

5. Datuak babestea eta konfidentzialtasuna

Datuak babesteko eta konfidentzialtasunerako gure politikaren xehetasunak kontsulta ditzakezu hemen.

Eskaera onartzen ez bada, jakinarazten dizugu eman diguzun informazio guztia, bai paperean bai telematikoki, suntsitu eta ezabatu egingo dela deialdia ebatzi eta hilabete igaro ondoren, baldin eta ez bada espresuki eskatzen deialdia itzultzeko.

Garrantzitsua

• Programan parte hartzeko eskaerak berarekin dakar oinarri hauek onartzea.
• Baldintzen eta oinarrien azken interpretazioa Kutxa Fundazioarena da.
• Oinarrietako edozein betetzen ez bada, baztertu eginen da.

Itxi
Itxi
ico-facebook-color ico-twitter-color ico-googleplus-color