Kutxa Fundazioak garatzen dituen jardueren barruan, Gipuzkoako moda sortu eta diseinatzen duen munduari laguntzeko plataforma izatea da Kutxa Kultur Moda programaren eginkizuna. Programa honen helburua lurraldeko moda-proiektuak bultzatzea, prestatzea eta sustatzea da, etorkizun hurbilean ibilbide profesional sendoa egin dezaten sektore horretan. Programa honen bidez, bertako talentua bultzatzen dugu eta sormena profesionalizatzea sustatzen dugu.

Kutxa Fundazioak uste du Gipuzkoak beharrezko osagai guztiak dituela berriro ere estatu-mailako modan, gure ustez enplegua sortzeko ahalmen handia duen sektore batean, erreferente izateko.

Halaber, Kutxa Kultur Modaren lehentasunezko helburua da Gipuzkoako beste eragile batzuekin lankidetza-sareak ehuntzea eta guztien artean sektorearen balio-katea berrezartzen laguntzea, horretarako Kutxa Fundazioak lankidetza-hitzarmenak sustatzen jarraituko duelarik.

Gainera, gure programak bere ezaugarrien artean du moda iraunkor edo jasangarriaren eta kontsumo arduratsuaren garapena sustatzea. Helburu horrekin, Kutxa Kultur Modak iraunkortasun- eta gizarte-irizpideen aplikazioa bultzatuko du bere ekintza guztietan.