Ikastaro hau lau saiotan egingo da. Hasteko, landa-koadernoei buruzko sarrera bat egingo da: funtzioa eta aukerak, materialak, koaderno-motak, informazio erabilgarriaren bilketa, koadernotik obrara, koadernoaren helburua, informazioa eta naturako egunkaria.
Ondoren, landa-zirriborroen erakustaldi bat egingo dugu eta azkenean, naturalaren pintura landuko dugu.
Trikimailuak, lagungarri izango zaizkigun elementuak, akuarela fabrikatzeko formulak, artisau-akuarelazko kaxen ereduak eta geure materiala egiteko eta koadernoa aberasteko modua ezagutzeko aprobetxatuko dugu. Amaitzeko, egindako lanen balorazioa egingo dugu.

Irakaslea: Juankar Cardesín

Egunak: maiatzak 22, 29. Ekainak 5, 12

Ikastaro honen bidez, zure etxeko terrazan edo balkoian baratze bat abian jartzeko oinarrizko konpetentziak esku-ratuko dituzu. Balkoi batean barazkiak zaintzeko moduak, hazteko metodoak, garaiak, substratu motak, ureztapen eta loreontzi ezberdinak erakutsiko duen jarduera antolatu dugu. Ikastaroaren amaieran, balkoi erako plano orokor baten diseinua eskainiko da. Hortik abiatuta, parte-hartzaile bakoitzak bere etxebizitzaren ezaugarrietara egokitu ahal izango du, eta ikastaroan ikasitakoa finkatu.

Irakaslea: Anjel Azpillaga

Lehenengo aldiz baratze bat landatu behar denean, duda anitz izaten dira. Tailer praktiko honetan baratzezaintza ekologikoaren oinarrizko ezagutzak eskuratuko ditugu, bai eta baratzean hasteko jakin beharrekoak ere. Ditugun zalantzak argitu eta beldurrik gabe gure baratza zaintzen has gaitezen!

Irakaslea: Aitziber Otegi

Etxean animaliaren bat baduzu edo izan nahi baduzu, gizakion eta animalien arteko elkarbizitza osasuntsu eta gozagarrirako gakoak eta esperientziak partekatuko ditugu ikastaro honetan. Ikastaroaren hasieran, animalien ongizatea abiapuntu duen Kutxa Ekoguneko Abeletxeko bisita gidatua egingo dugu. Etxekotutako animaliekin harreman zuzena izan ondoren, euren behar eta emozioak ulertzeko eta asetzeko bideak aztertu eta elkar bizitza honek gizakion osasunean, sentiberatasunean eta bizitza kalitatean ere nola eragiten duen hausnartuko dugu.

Irakaslea: Eider Otaegi

Tailer honetan, kanpoko jolas-espazio bat diseinatu eta sortuko da kolektiboki, zume biziz egindako eskultura bat eraikiz, txabola edo iglu motakoa, erronboan gurutzatutako saskigintzako teknikak aplikatuz. Kasu horretan, zumea bizirik dago eta ehunean landatzeko eta manipulatzeko modua azalduko da, baita ondoren mantentzeko eta kimatzeko aholkuak ere. Gainera, egitura hauek egiteko erabil daitezkeen Salix generoko aldaerak eta espezieak ezagutuko ditugu.

Irakaslea: Idoia Cuesta

 

Orizomegamia oihalean patroiak sortzeko Japoniako teknika tradizional bat da, origami estiloan tolestu eta gero tindagaietan partzialki murgilduz. Ikastaroak bi atal ditu: lehen atalean tolesteko sistemak azalduko ditugu eta Kutxa Ekoguneko landaredia ezberdinetatik koloreak nola lortu ikasiko dugu. Ostean hainbat toleste-sistema eta kolore-konbinazio esperimentatuko ditugu, teknika ulertu eta probatzen joateko. Bigarren atalean parte-hartzaile bakoitzak ikasitako guztia aplikatzeko aukera izango du etxera eramango duen zapi bat sortuz.

Irakaslea: Ane Baztarrika

Shibori-k Japonieraz bihurritu, estutu, presionatu edo amarratu esan nahi du. Teknika horren bidez, oihalaren zenbait gune blokeatzean datza, gune horiek tindatu gabe gera daitezen irudiak sortuz. Tinta batzuk, Kutxa Ekoguneko parkean zehar bilduko ditugun landareetatik zuzenean lortuko ditugu. Gure tailerrean blokeatzeko mota desberdinak probatuko ditugu: gomak erabiliz, korapiloak, egurrezko piezak, pintzak, kanikak etab. Esperimentazioari denbora gehiena eskainiko diogu eta bakoitzak etxera oihalean egindako probak eramateaz gain zapi bat egiteko aukera izango du.

Irakaslea: Ane Baztarrika

Feltroa egitea aintzinako metodoa da, mota askotariko diseinuak egin daitezke berarekin: botak, kapelak, jantziak, dekorazio artistikorako elementuak eta baita etxeak ere! Euskal Herrian, lotura handia dugu ardia bezalako animalia eskuzabalarekin eta berak ematen digun artilearekin, feltroa egiteko materiala izan dena gure kulturaren historian zehar. Mendi batetik behera datorren artzain baten txapela batetik hasi eta Kontxan pasiatzen dabilen emakume baten kapela dotoreraino. artzain bat bere txapela beltzarekin mendi berdeetan edo andre dotore bat bere txapela koloretsuarekin Kontxan paseatzen, feltroa benetan gure kulturako materiala dela, egokitzen dena eta aldakorra.
Ikastaro praktiko honetan, feltroa eskuz egiteko oinarrizko teknika ezagutuko dugu. Hasieran, 45 minutuko zati teoriko bat egongo da, material malgu, berezi eta noble horrek eskaintzen dituen aukeretara hurbiltzeko. Artile motak eta horien egokitzapena landuko ditugu, bai eta material horrekin diseinatzeko metodoa eta oinarriak ere. Alde praktikoan, feltro naturaleko lagin lauak egingo ditugu, kolore ukitu biziagoekin.

Irakaslea: Tytti Thusberg

Zergatik hizkuntzekiko kezka eta gogoa ekologiatik? Izan daiteke ekologista euskaltzale izan gabe? Eta alderantziz? Baina hainbesteko garrantzia al du euskaraz bizitzeak edo euskara biziberritzeak? Zergatik?
Galdera hauei erantzuteko ekologiaren ikuspegia hizkuntzetara ekarriko dugu, hizkuntza-ekologistak izaten ahaldunduko gaituelakoan.

Irakaslea: Itsaso Olaizola

Basoko tailer honetan, zurtoina bistan duten eskuko sortak egiteko teknika berezia landuko dugu. Sorta hauek gramineoak, loreak eta bestelako material naturalak erabiliz osatuko ditugu, gure lana iraunkorra izan dadin, landare aukeraketa egokia egiten ikasiz.

Irakaslea: Idoia Lizeaga

Bitxigintza galkorrako tailer honetan, ehunezko besokoak sortuko dira, ehunezko gainazaletan kolatutako loreak, petaloak eta hosto naturalak erabiliz. Eredu bat oinarri hartuta, parte-hartzaileek besoko bat egingo dute, euskarri baten gainean hosto eta loreak bi aurpegiko zintarekin uztartuz, kolorezko testura eginez. Materialen testuraren kontzeptua eta sailkapena aztertuko ditugu, eta modu egokian konbinatzen ikasiko dugu. Inguruneko materialak bilduko dira, dagoeneko prestatuta dauden materialen hautaketa batekin konbinatzeko.

Irakaslea: Idoia Lizeaga

Asko dira gure inguruko parke eta basoetan dauden hegazti-espezieak, leku ezin hobea baitira migrazioetan babestu, ugaldu, elikatu edo atseden hartzeko. Hori dela eta, ornitologiaren hastapenerako tailer bat proposatzen dizugu, bi saiotan banatuta: bata teorikoa, hegaztien alderdi orokorrak ikasteko, ohikoenak nola ezagutu edo gida eta prismatikoak nola erabili jakiteko; eta bestea, praktikoagoa, ikasitakoa martxan jarri eta sendotu ahal izateko.

Irakaslea: SEO/BirdLife

Saioak: 03/13: 09:00-11:00 | 03/20: 09:00-12:00

Tailer honetan, zuntz begetalei eta saskigintzan beharrezkoak diren tresnei buruzko oinarrizko kontzeptuak ezagutuko ditugu. Botila bat edo kristalezko ontzi bat, oinarritik itxituraraino, guztiz ehuntzeko aukera emango diguten zatiak nola sortzen diren ikusiko dugu, baita ehun-teknika desberdinak ere: sinplea, bikoitza, hirukoitza eta ertzak, testurak sortzeko.

Irakaslea: Idoia Cuesta

Hizkuntza: elebiduna

Tailer honetan, zuntz begetalei eta saskigintzan beharrezkoak diren tresnei buruzko oinarrizko kontzeptuak ezagutuko ditugu. Botila bat edo kristalezko ontzi bat, oinarritik itxituraraino, guztiz ehuntzeko aukera emango diguten zatiak nola sortzen diren ikusiko dugu, baita ehun-teknika desberdinak ere: sinplea, bikoitza, hirukoitza eta ertzak, testurak sortzeko.

Irakaslea: Idoia Cuesta

Hizkuntza: euskara

Kutxa Ekogunean ibilaldi txiki baten bitartez gure inguruan ohikoenak diren udaberriko landareak identifikatzen ikasiko dugu eta nola biltzen eta kontserbatzen diren. Sukaldaritza, medikuntza eta kosmetikako aplikazioak ikasiko ditugu. Arratsaldean berriz, gibela garbitzeko udaberrian eskura dauzkagun sendabelarrekin erremedio ezberdinak landuko ditugu.

Irakaslea: Garbiñe Larrea

Kutxa Ekogunean ibilaldi txiki baten bitartez gure inguruan ohi-koenak diren udaberriko landareak identifikatzen ikasiko dugu eta nola biltzen eta kontserbatzen diren. Sukaldaritza, medikuntza eta kosmetikako aplikazioak ikasiko ditugu. Arratsaldean berriz, intxusarekin egin ditzakegun erremedio eta aplikazio ezberdinak landuko ditugu.

Irakaslea: Garbiñe Larrea

 

Ikastaro honetan, buztingile aditu gisa buztinezko ernamuin egosiak fabrikatzeaz gain, horiek erabiltzen, ernamuinak egiten, gehien erabiltzen diren haziak identifikatzen, haien energia- eta nutrizio-ezaugarriak balioesten eta sukaldean edo janarian erabiltzen ikasiko dugu.

Irakasleak: Arantza Munita eta Olaia Blanco

Egunak: otsailak 12 eta 26