Dastatze-hastapenetarako ikastaroa, ardo apardunen lau barietate dastatuko ditugularik. Ardo apardunak egiten dituzten eskualde ospetsuenak ikusiko ditugu eta nola egiten diren ardo hauek. Praktika aromatiko bat egingo dugu, eta ardo-dastatzea.

Dastatze-hastapenetarako ikastaroa, lau ardo-barietate dastatuko ditugularik. Mahatsaren osagaiak, ardoaren aromak, eta ardo zuriak, gorriak eta beltzak nola egiten diren ikusiko dugu. Praktika aromatiko bat ere egingo dugu, eta dastatze-metodologia ikusiko dugu.

Tailer honetan, arrozaren ezaugarriak eta arroza prestatzeko dauden metodoak ikusiko ditugu: risottoak, postreak, paellak, arroz saldatsuak eta abar. Arroza izango da protagonista gure plateretan, eta produktu horri ahalik eta etekinik handiena ateratzen ikasiko dugu.

Betiko sukaldaritza, pixkanaka eta astiro egiten dena, maite duten guztientzat egokia da ikastaro hau. Ohiko errezetak egingo ditugu: zurrukutuna, porrusalda, oilaskoa euskal erara, … Ongi pasatzeko eta gure aurrekoek egiten zituzten errezeta haiek ikasteko modua.

Ikastaro honetan oinarriak ikasiko ditugu cupcake gozo-gozo batzuk egiteko, eta gainera gure irudimenari hega egiten utziko diogu gogokoen ditugun testura, aroma eta zaporeekin jolastuz. Oreak egingo ditugu, estaldurak, mahukak erabiliko ditugu eta cupcake-ak barrubeteko ditugu… eta sekretuak ezagutuko ditugu etxean esperimentatu ahal izateko eta geure errezetak sortzeko.

Espezialitate gastronomikoen artean gozokiak daude. Sar zaitez tailer honetan eta oinarrizko gozogintzako sekretu guztiak ikasiko dituzu. Tartak, txokolatezko bizkotxoak, pastel-kremak, trufak eta bizitza gozatzen dizun hori guztia dago. Ez geratu postreez gozatu gabe, egiten ez dakizkizulako.

Askotan ez dugu astirik eta ez dakigu zer prestatu ere. Datozen Gabonak nota onarekin eta estutasun gutxiagorekin gainditzen lagunduko dizugu ikastaro honetan. Gurekin menu zaporetsuak eta askotarikoak ikasiko dituzu, horrela zure gonbidatuak liluratzeko eta zeure burua ere gainditzeko.

Nazioartean ezaguna da Italiako sukaldaritza. Pasta freskoa, risottoak, pesto saltsak eta abar gogoko badituzu, etorri tailer honetara eta ikasi italiar sukaldaritzaren trikimailu guztiak.

Gero eta jende gehiagok du bere ogia prestatzeko joera. Tailer honetan, ogia etxean nola egiten den ikasiko dugu, oinarrizko moduan. Ore gaziak ere landuko ditugu, adibidez txurroak egiteko orea, enpanadak egiteko orea, quicheak egiteko oinarrizko orea eta abar.

Gero eta jende gehiagok du bere ogia prestatzeko joera. Tailer honetan, ogia etxean nola egiten den ikasiko dugu, oinarrizko moduan. Ore gozoak ere landuko ditugu, bizkotxoak, madalenak eta abar egiteko.

Gero eta jende gehiagok du bere ogia prestatzeko joera. Tailer honetan, ogia etxean nola egiten den ikasiko dugu, oinarrizko moduan. Pizza-orea ere egingo dugu, etxean egindako oreekin maiteminduta dauden guztientzat. Dibertigarria izateaz gain, familia osoak elkarrekin egin dezakeen jarduera bat da.

Gero eta jende gehiagok du bere ogia prestatzeko joera. Tailer honetan, ogia etxean nola egiten den ikasiko dugu, oinarrizko moduan. Pizza-orea ere egingo dugu, etxean egindako oreekin maiteminduta dauden guztientzat. Dibertigarria izateaz gain, familia osoak elkarrekin egin dezakeen jarduera bat da.

Pasta freskoa egiten ikasteko ikastaroa, ondoren barrutik betetzeko edo hainbat saltsarekin uztartzeko. Tallarinak Boloniako erara, ravioli barrubeteak, eta abar, izango dira tailer honetan egingo ditugun plateren arteko zenbait.

Sendabelarrek beren ahalmen eta propietate guztiak eman diezazkigukete, infusioak edo aplikazio fitoterapeutikoak baino askoz harago doazen prestakinetan. Sukaldaritzako errezeta gozoetan erabiltzen ikasiko dugu.

Tailer teoriko-praktiko honetan elikagaien nutrizio-ezagutzak uztartuko ditugu plateren prestaketarekin, elikadura eta gozamen gastronomikoa elkar hartuta. Errezeta gozo eta sinpleak egitea produktuen onura handiena lortzeko gure osasunari kalterik eragin gabe. Dilistak curryarekin, barazki-lapikokoak, arrainak lurrunetan, konpotak eta beste zenbait plater prestatuko ditugu.

Globalizazioaren ondorioz, gure azoketan gero eta produktu exotiko gehiago ikus ditzakegu. Ziklo honetan, ananak, frijoleak, ahuakatak, kokoak eta abar erabiliz egindako platerak ikusiko ditugu, gure platerei zapore eta egindura ukitu berezia emanez. Karibeko itsasoetako exotismoa gure mahai-gainera eramatea lortuko dugu.

Sukaldaritza makrobiotikoa ez da soilik elikadura edo dieta mota bat, bizimodu bat da. Gaur egun gero eta gehiago zaintzen dugu geure burua. Sukaldaritzan ere horixe egiten dugu. Orekan eta sukaldaritzako tradizioen egokitzapenean oinarritutako modu bat definitzen du sukaldaritza makrobiotikoak. Menuak kontzeptu horiei jarraikiz egiten ikasiko dugu.

Urrezko bihotza! Gure bihotzaren osasuna neurri handi batean elikadura-ohituren eraginpean dago. Maite dezagun, eta eman diezazkiogun elikagairik onenak jaki gozo-gozoen bidez.

Gazteentzako sukaldaritza-ikastaroa, merkatuak eskaintzen dizkigun plazer gastronomikoez gozatu nahi duten gazteei zuzendutakoa, betiere modu sinple eta lasterrean. Denbora luzerik hartu gabe etxean egin ahal izateko errezetak, eta produktu merkeekin gainera.