Kutxa Kultur Musika eta Cabal Musical (Bartzelona) elkartu egin dira artista gazteen talentuari laguntzeko, ekainaren 17an eta 18an Kutxa Kultur Klubean saio berezia eskainiz.

Cabal Musical: musika-talentu gazteen akonpainamendu artistikoan oinarritutako gizarteratzeko gizarte-berrikuntzako proiektua da.

JULEN: musika proiektua Julen Leturiondo gazte eibartarraren 20 urteko proiektu pertsonala da. Abesbatza ezberdinetan parte hartzeaz gain, musika talde batzuetan parte hartu du eta hainbat musika tresnari buruzko ikasketak egiteko aukera izan du.

DANI: Cabal Musical proiektutik sortutako musika-proposamena da. Danik R&B-ren generoa garatzen du, dancehall, soul edo trap estiloekin nahastuz eta jolastuz. Trinitat Vellako (Bartzelona) abeslari gaztea da, eta hiriko musikarekin eta haren ingurunearekin esperimentatzeko gogo handia du.

Fitxa artistikoa: Danelsi Rodríguez “Dani” – Ahotsa. Andreu Giró – Teklatuak eta oinarri elektronikoak.

Covid-aren egoerak hala eskatzen badu, osasun agintariek adierazten dizkiguten aldaketak eta protokoloak egin eta aplikatuko dira.