k
u
l
t
u
r

El cambio climático y los polos. Expediciones a los hielos | ZientziaKutxa

2021/07/07

compartir

Ordutegia: 18:30
Lekua: Kutxa Kultur Plaza (Tabakalera, 4. solairua)

Dohainik
Izena eman


ZientziaKutxa Jerónimo López geologoaren eskutik.

Lurralde izoztuak bereziki sentikorrak eta adierazgarriak dira klima-aldaketaren testuinguruan. Poloetan topatzen dira gaur egun beroketa globalaren eraginez aldaketa handienak jasaten ari diren munduko eskualdeak. Planeta osoarentzat izango dituen ondorioengatik, eta iraganean gertatutako aldaketa klimatiko izugarrien inguruan ezagunak diren erregistro berdingabeak eskura izanik, lurralde polarretan ikerketa bereziki garrantzitsua da.

Hitzaldian, datu eguneratuekin, Antartikan eta Artikoan gertatzen ari diren aldaketak erakutsiko dira hauen eragin globalarekin batera. Glaziarretako egoeraz hitz egingo da, eta eskualde hauetako eta munduko mendietako permafrost-az. Azken aurkikuntzez gain, etorkizuneko eszenatokiak aurkeztuko dira klima eta itxasoaren mailaren igoerarentzat.

Jerónimo López Martínez Geologia Zientzietan Doktorea da eta irakaslea Madrilgo Unibertsitate Autonomoko Zientzia Fakultatean. 320 bat argitalpen zientifiko idatzi ditu, hauen artean erdia baino gehiago Antartika eta eskualde polarrei buruzkoak. Hogeitamar espedizio inguru burutu ditu Lurreko mendizerra nagusietara eta eskualde polarretara; horietatik, hamaika izan dira Antartikara, non Vinson mendia igo duen, kontinenteko garaiena. Beste hainbat mendi gailurretan ere izan da, Everest barne.

2012 eta 2016 bitartean Scientific Committee on Antarctic Research-eko (SCAR) presidentea izan da, Antartikan ikerketa bultzatu eta koordinatzen du nazioarteko batzorde honek. Ikerketa polarrarekin lotutako lanpostu bete ditu Espainian eta nazioarteko erakundeetan; European Science Foundation-eko European Polar Board-eko presidentea izan da, Antartikako Ingurumena Babesteko Batzordeko partaide eta Nazioarteko 2007-2008 Urte Polarraren antolakuntza batzordeko presidentekidea, Zientziarako Nazioarteko Kontseiluak eta Munduko Metereologia Erakundeak izendatuta. Aldaketa klimatikoarekin zer ikusia duten aktibitateetan eta foroetan parte hartu du, 2019an ospatutako COP-25an horien artean. Gaur egun, SCAR-eko batzorde espainiarreko presidentea da.


Hitzaldi hau ZientziaKutxa 2021. Gene bidaiaria esparruan eskaintzen da. espezialista ez den publiko bati zuzendutako dibulgazio hitzaldi-zikloa, gai zientifikoei buruzko ezagutza eta lilura partekatzeko, ikertzaile adituen eskutik.

ZientziaKutxa hitzaldi-zikloa Kutxa Fundazioak eta Donostia International Physics Center-ek (DIPC) antolatuta dago.

Hizkuntza: gaztelania
Eguna eta ordua: 2021eko uztailaren 7a, asteazkena | 18:30
Lekua: Kutxa Kultur Plaza (Tabakalera, 4. solairua)
Doako sartzea. Izena HEMEN eman behar da
Hitzaldia Streaming bidez emango da YouTubeko Kutxa Fundazioaren kanalaren bidez

Itxi
Itxi
ico-facebook-color ico-twitter-color ico-googleplus-color