Munduari bira eman zioteneko 500. urteurrenarekin batera, irailaren 3an, larunbata, Cristobal Balenciaga Museoan, Elkano 500 Fundazioaren, Gipuzkoako Foru Aldundiko Kultura Sailaren (Meta! 2021) eta Getariako Udalaren laguntzarekin sortutako moda-bilduma berria aurkeztuko du Amarenak.

1522ko irailaren 6an iritsi zen Juan Sebastián Elkano Sanlucar de Barramedara, Sevillako portura, munduaren lehen zirkunkunnabigazioa bukatzen. Gure historian hain garrantzitsua izan den gertaera hau ospatzeko, Oihane Pardok, Amarenak elkartearen sortzaileak eta diseinatzailea, hiru urte eman ditu Elkano 500 Fundazioarekin lanean, munduari lehen bira honetan inspiratutako modamiraunkorreko kapsula bilduma plazaratzeko. Larunbat honetan, irailaren 3an, Cristóbal Balenciaga Museoan garaiko marinel euskaldunen eta itsasoari lotutako beste lanbide batzuetan inspiratutako jantziak aurkeztuko dira.

Proiektua modu kolaboratiboan eta parte-hartzailean sortu da, itsasoratzeko garaian taldeak duen garrantziari erantzunez. Jantzi horiek sortzeko, Amarenak Euskadiko eta Espainiako moda-sektoreko artisau, diseinatzaile eta enpresa erreferenteekin lan egin du. Besteak beste, Boinas Elosegui (Tolosa), Capas Seseña (Madril), Gorka González (Donostia), Lëlë Prints estanpatu diseinatzailea (Donostia), Re_ by Barbara León zapata diseinatzailea (Sevilla), Clara Virgilli patronista eta diseinatzaileak (Bartzelona), Zapatariko zapatariak (Nafarroa) edo Espartin abarketa-fabrika (Zumaia). Gainera, proiektua crowdfunding kanpainaren bidez finantzatu da, Gipuzkoako Foru Aldundiak eta bere Meta! 2021 programaren laguntzaz. Kanpaina horretan ia ehun pertsonak parte hartu zuten, jantzien eta estanpatuaren kolorea aukeratzen laguntzen.

Irailaren 3an, larunbata, Cristóbal Balenciaga Museoan egingo den aurkezpena antolatzeko, En Clave de Sol agentziaren laguntza izan da. Haiek ekitaldia asmatzen lagundu dute, besteak beste, itsasontzien kandelei erreferentzia egingo dien eszenografia sortuz, dan-tz erakundeak musika eta soinua bere gain hartuko dituen bitartean, eta abentura hartara eramatea lortu dute.

Maisor eta Gvtarrak, osagaiak jarriko dituzte, Basque Bitesek, Elkanoren bidaia erreferentziatzat hartuta, bost pintxo egiteko. Rafa Gorrotxategik garaian kontsumitzen zenaren antzeko txokolatea sortuko du. Azkenik, Basquelandek eta Insalusek arduratuko dira publikoaren egarria itzaliko dute.

Argazkiak: Gorka de la Granja | Estilista: Amaia Olmedo | Makillaje eta ile-apainketa: Lola Comendador | Modeloak: Maider Rezabal eta Alain Gabiña | Lekua: Albaola Itsas Faktoria