Kutxa Kultur Moda 2022 desfilea San Telmo Museoan

2022/05/09(e)an argitaratuta
Moda

Kutxa Kultur Modak 10 urte baino gehiago daramatza tokiko talentua sektorean babesten, eta San Telmo museoan joan den larunbatean, maiatzaren 7an, egin zen desfilean parte hartu zuen. Emozioz betetako desfilea. Programan parte hartu duten Gipuzkoako marka berri eta finkatuez gain, Oksana Lobas Zayats diseinatzaile ukrainarrak ere parte hartu zuen. Duela gutxi sartu zen Kutxa Kultur Modan.

Hauek izan ziren desfilatu zuten markak: Ural, Urdai, Kotoi, Akukuna, Amarenak, Oksana Lobas Zayats, Laza Clothing eta Getary. Zuzeneko musika izan zen Orfeoi Txikiren eta Iñigo Serrullaren eskutik, Kutxa Kultur Musikan bizi baitzen 2017an.

Gipuzkoako modari balioa eman nahi dio Kutxa Kultur Modak.

URDAI
Amalur da URDAIren ataria, emakumearen papera eta balioa, ingurumenaren zaintza eta tradizioak aldarrikatzen dituen bilduma. Nortasuna duten jantziak, non erretako xehetasunak, bordatu gogoetatsuak, patchwork eta ehun organikoak eta berrerabiliak aurki daitezkeen. Euskal kulturari eta bere tradizioei gorazarrea.

Argazkiak SANTIAGO FARIZANO

Argazkiak GORKA ARBAZAGOITIA

KOTOI
Fanny Alonso eta EME by Mei elkartzetik sortu zen Kotoi. Ehun-fabriketako hondakinekin egindako jantzi jasangarriak dira. Hainbat gorpuzkera eta janzkeratarako siluetak. Ehun-hondakinak etxera eramaten zituzten antzinako fabrikatako emakume langileen istorioak hartzen dituzte inspirazio gisa, jantziak egiteko. Iraganean inspiratua, etorkizunerako diseinatua.

Argazkiak SANTIAGO FARIZANO

Argazkiak GORKA ARBAZAGOITIA

AKUKUNA
Akukunak bere “Do it yourself” patroi digitalen lerro berria aurkeztuko digu ibiltokian.
Patroiak formatu digitalean, joskintza gustuko duten guztiek beren arropa egiteko aukera izan dezaten. Patroi funtzionalak, praktikoak eta moldakorrak, gure eguneroko beharrak eta gure erosotasuna erreferente hartuta, baina betiere Akukunaren ezaugarri den originaltasunarekin.

Argazkiak SANTIAGO FARIZANO

Argazkiak GORKA ARBAZAGOITIA

AMARENAK
Amarenak-ek udaberri honetarako nobedadeak aurkeztuko dizkigu. Bere kaikuak, udakoak (kaikoutil) eta euritakoak (kaikubasquero), kolore berrietan; eta Elkanok eta euskal marinel eta baleazaleek, arrain-saltzaileek, batelariek, saregileek eta itsasoari lotutako, gizon nahiz emakumeen, gainerako lanbideek inspiratutako bildumako jantzi batzuk lehen emaitza gisa. Hainbat artista, diseinatzaile eta artisauren lankidetza dago ELKANO bilduman..

Argazkiak SANTIAGO FARIZANO

Argazkiak GORKA ARBAZAGOITIA

OKSANA LOBAS ZAYATS
Oksana Lobas Zayats-ek, gerratik ihesi, abegi ona egin dion Euskal Herriari eta kulturarekiko duen maitasunari gorazarre egiteko bilduma bat aurkezten du. Diseinatzaileak, desfilerako bere proposamenean, Ukrainan diseinatutako lookak bi kulturetan inspiratutako jantzi berriekin konbinatzen ditu, non brodatuak nortasuna, diseinatzaileak eta markak transmititu nahi duten balioa, ematen duen hainbat motiborekin.

Argazkiak SANTIAGO FARIZANO

Argazkiak GORKA ARBAZAGOITIA

LAZA CLOTHING
Feeling Good bilduma bidaia anbiguo bat da: eetxera itzultzea eta abiapuntua, itzulera eta ez-itzulera. Bilduma honek klimaxaren eta ospakizunaren, zorabioaren eta ageriko eta ezkutuko aurpegien iraultza irudikatzen du. LAZA arropa modu garden eta arduratsuan egitearen alde dago. Erosteko edo alokatzeko bildumak diseinatu eta ekoizten ditu, jantzien iraupena eta erabilera efizientea sustatzeko helburuaz.

Argazkiak SANTIAGO FARIZANO

Argazkiak GORKA ARBAZAGOITIA

GETARY
Getaryk egungo emaztegaiarentzako proposamenak sortzearen aldeko apustua egiten du, non norberaren funtsa eta nortasuna gailentzen diren. Forma puruak dituzten proposamenak, gorputz bakoitzerako garatuak eta pentsatuak, betiere bakoitzaren fisionomia eta estiloa errespetatuz. Kalitate handiko ehunak, dotorezia eta sofistikazioa ematen dutenak, edozein andregaik amestuko lukeen look berezi hori lortzeko.

Argazkiak SANTIAGO FARIZANO

Argazkiak GORKA ARBAZAGOITIA

URAL
Uralek jantzietan markatutako genero-hitzarmenak haustea proposatzen du. Dena nortasunez eta bitxikeriaz agertzen da, gorria eta urdina bezalako kolore biziz. Genesis bilduman, mugimenduak edo ihesbideak irudikatzen dituzten asimetria eta bolumen desberdinak daude… Gama kromatikoan tonu neutroak, zuriak, beltzak eta grisak daude, baina kolore-ukituekin beti.